Óróapúls 1922
Annar þáttur Eyðilandið eða The Waste Land eftir T.S. Eliot er til umfjöllunar í þessum þætti. Verkið kom út á bók í desember árið 1922, þetta ár óróleika og nýsköpunar í vestrænu bókmenntalífi sem er umfjöllunarefni þessarar þáttaraðar. Eyðilandið hefur valdið lesendum heilabrotum alveg frá því það komst fyrst á prent. Stundum hefur það verið sagt varpa ljósi á napra heimssýn áranna eftir fyrri heimsstyrjöld en það hefur líka verið sagt endurspegla persónulega sálar- og trúarkreppu skáldsins sjálfs. En umfram allt hefur Eyðilandið verið talið eitt af mikilvægustu ljóðum 20. aldarinnar og höfuðverk í módernískum skáldskap. Viðmælendur í þættinum eru Egill Helgason og Rebekka Þráinsdóttir. Umsjón: Ástráður Eysteinsson og Þröstur Helgason.