Arabatik irten gabe, final kutsuko saioa

Arabako Binakako Bertsolari Txapelketak osatu du bere ibilbidea eta Manex Agirre eta Martin Abarrategi izan dira formatu berritzaileko txapeldunak. Podcast honetan finaleko hainbat bertsoaldi entzun ahal izango dituzu, baita 14 eta 18 urte arteko gazteen Arabako "Oinak buruan" Eskolarteko txapelketako finalekoak ere. Agurainen izan zen finala.  Bertsopedian, Araba izan genuen hitza eta Bederatzikoa osatzea Ainhoa Ontsalo alegiarrari egokitu zitzaion. Aurkezlea: Eneritz Gorrotxategi.